ဘုံပျောက်နီသော ရခိုင်သားများ

Federal လို့ခေါ်ခေါ် Con-Federation လို့ခေါ်ခေါ် (၀) လူမျိုးတိပိုင် ကိုယ်ပိုင်အုပ်ချုပ်ခွင့်ရလိုသည်ဟုဆိုလျှင် (၀) လူမျိုးများကဲ့သို့ ကိုယ်ပိုင်အုပ်ချုပ်ထိမ်းချုပ်နိုင်သည့်နယ်မြီထူထောင်နိုင်ရန်လိုအပ်သည်။ (၀) လူမျိုးများသည် စစ်စွမ်းရည်ဟိရေပိုင် နိုင်ငံရေးစွမ်းရည်လည်းပြည့်ဝသည်။ တရုပ်အစိုးရနှင့် နိုင်ငံရေး စီးပွားရေမဟာမိတ်ကိုတည်ဆောက်နိုင်သည်။ ရခိုင်သားများမှာ အိန္ဒိယနှင့်သော်လည်းကောင်း ဘင်္ဂလားဒေခ်ျအစိုးရနှင့်သော်လည်းကောင်း မည်သူတဦးတယောက်နှင့်မျှ နိုင်ငံရေးဆက်ဆံရေးကို ပြည်လည်အောင်မတည်ဆောက်နိုင်။ နိုင်ငံတကာထောက်ခံမှုကို တည်ဆောင်နိုင်ရေလားဆိုလျှင်လည်း (Website) တခုတောင် ကောင်းကောင်းမဟိ။ ကြီးကြီးကျယ်ကျယ် (WAO) ကို လက်သီးလက်မောင်းတန်း၍ အမေရိကား၌ ရခိုင်သားများဖွဲ့စည်းကတ်သည်။ (Statement) ချေတခု ကောင်းကောင်းမထုတ်နိုင်။ ဘဏ်အကောင့်ကိုကြည့်လိုက်လျှင် (0.00) Balance ဖြစ်နီသည်။ တတိုင်က (WAO) ကို ဖွဲ့လျှင် နောက်တယောက်က (WAU) ကို ဖွဲ့သည်။ လူကို ကြည့်လိုက်လျှင် နှစ်ယောက်တပိုင်း။ ဘဏ္ဍာရေးကိုကြည့်ခီကေ နှစ်ပြားတစိတောင်မဟိ။ ရခိုင်သားတိလုပ်နီကတ်စွာတိကိုကြည့်ခီကေ ကောင်းကောင်းတရားသံဝေဂရဖို့ကောင်းသည်။ ဟလာကေ ဘီစီ (၃၃၂၅) က ပင် ကိုယ့်ထီးကိုယ့်နှင့် နီလာရေလူမျိုး သမိုင်းကြောင်းထဲက (အာရီယံ) နွယ် စသည်ဖြင့် လိုင်ကြောတင်းတင်း အာပေါင်အာရင်းသန်သန်နှင့် အော်၍ကောင်းတုန်း။ မိမိစာပီကိုလည်း ကောင်းကောင်းမွန်မွန်မဖော်ထုတ်နိုင်။ ဖော်ထုတ်ခီပြန်ကေလည်း ကောက်လီကောက်လောက် ပဲပင်ပေါက်။ တတိုင်က သတ်ပုံမဖျက်ရကေ ထမင်းစားမခြီ။ ဖြစ်ချင်တိုင်းဖြစ် ပျက်ချင်တိုင်းပျက် ဘုံပြိုနီကတ်သည်။ အပစ်အခတ်ရပ်စဲထားသည့် (ANC) လည်း အသံမကြား ဘုံပျောက်နီသည်။ အဖွဲ့အစည်း (၅) ခုနှင့် မဟာမိတ်ဖွဲ့စည်းထားသော (ANC)၊ ဥက္ကဌက အာဏာသိမ်းခေါင်းဆောင်။ မိခင်အဖွဲ့အစည်းတိကိုကြည့်လိုက်သောအခါ စုစုပေါင်းမှ လူနှစ်ယောက်နှင့် တပွာ။ တသိုက်ခွဲမပြည့်။ ဟန်ညောင်ရွှေက ငွေစကေထောက်ပံ့ပီးထားသောအခါ ယုံးခန်းဖွင့်နိုင်ခသည်။ ဟန်ညောင်ရွှေက ငွေထောက်ပံ့မပီးသောခါ ကိုယ်ပိုင်အစွမ်းသတ္တိနှင့် မလည်ပတ်နိုင်။ နာမည်ရာကျန်သည်။ လူမဟိယာ။ တတိုင်သားက အမေရိကန်ရောက်ပြီးမှ လက်နက်ကိုင်တော်လှန်ရေးမှအပ တခြားမဟိ ကြွေးကြော်နီကတ်သည်။ နယ်စပ်လား၍ တော်လှန်ရေးလုပ်ဝံ့ရေလားဆိုကေ ယင်းပိုင်ယှောင်လည်းမလုပ်ဝံ့။ Internet မှာ ၀က်သားခွတ်ဒါးကိုထောင်ပြ၍ လက်နက်ကိုင်တော်လှန်ရေးလုပ်နီကတ်သည်။

Aprial (4) ရက်နီက (AA) က ဘူးသီးတောင်မှာ ရခိုင်သားများအား ကုလားဆိုးရန်မှ ကာကွယ်ရန်အစောင့်ချထားသော ရဲစခန်း (၄) ကို ၀င်တိုက်သည်။ ပြီးနောက် ယိုးတရုတ်ရဲစခန်းကို ၀င်တိုက်သည်။ သီရေလူအများစုမှာ ရခိုင်သားများဖြစ်သည်။ ရခိုင်သားများမှာ ကုလားခွတ်၍လည်းသီ။ ဗမာသတ်၍လည်းသီ။ ကိုယ့်အချင်းချင်းသတ်၍လည်းသီ မကြာခင် ကုလားဆိုးများဝင်ရောက်လာလျှင် ရခိုင်သားများ အမျိုးပြုန်းဖို့အနီအထားဟိသည်။ မြန်မာစစ်တပ်ကလည်း (AA) ကို အကြောင်းပြလျှက် ရခိုင်သားများကို အမျိုးပြုန်းသတ်ဖြတ်လျှက်ဟိသည်။ ခေါင်းဆောင်ဆိုသူများမှာလည်း တိုင်းပြည်ကို ကင်တင်ဖို့မရ။ တိုင်းပြည်က ခေါင်းဆောင်များကို ကယ်တင်နီရသည်။ (၁၀) သိန်းစား အမတ်တိလည်း ယောင်၍တခွန်းမပြောဝံ့။ ဒေါ်အောင်ဆန်းစုကြည်အစိုးရကလည်း မျက်ဖြူဆိုက်လီ ဆရာကြိုက်လီ ကြိတ်၍ ၀မ်းသာနီကတ်သည်။ အချုပ်ပြောရလျှင် မြန်မာများ မထီလေးစားအလုပ်ခံရသည်မှာ ရခိုင်သားများ အရည်အခြင်းညံ့ဖျင်း၍ ဖြစ်သည်။ နိုင်ငံတကာထိုးဖောက်နိုင်ရန် ပညာတတ်များများမွီးထုတ်ပီးရန်လိုအပ်သည်။ ပညာရေးကို မြှင့်တင်ပီးနိုင်ရန် ရည်တိုရည်ရှည်စီမံကိန်းမဟိ။ ရံပုံငွေမဟိ။ (Statement) ချေတစောင် အင်္ဂလိပ်ပိုင် ရွီးနိုင်ရေလူမဟိ။ ပဇောင်ပျင်လို့ နိုင်ငံတကာ ထောက်ခံမှုကိုရဖို့။ နယ်သလန်ရောက် ဆရာအောင်ဝင်းက ထောက်ပြသည်။ ရခိုင်ပြည်က မြန်မာစစ်စခန်းတိအားလုံးကို ရခိုင်သားတိ စစ်ရေးအားဖြင့် အနိုင်တိုက်သိမ်း၍ ရခိုင်ရိုးမကနီ မော်တင်စွန်းအထိ ယုတ်စွအဆုံး ဧရာဝတီတိုင်းထိ ရခိုင်သားတိ သိမ်းပိုက်နိုင်ရေဆိုကေလည်း ရခိုင်ပြည်လွတ်လပ်ရေးမရဟုဆိုသည်။ ပဇာကြောင့်ဆိုသော် ရခိုင်ပြည်ကို သီးခြားနိုင်ငံတခုအဖြစ်ထောက်ခံအသိအမှတ်ပြုဖို့ နိုင်ငံတနိုင်ငံလည်း မဟိသောကြောင့်ဖြစ်သည်။ ကုလားတိရာ သီးခြားလွတ်လပ်ရေးရလားနိုင်သည်။ ကုလားတိ နိုင်ငံတကာကို ထိုးဖောက်ထားပြီးဖြစ်သည်။ ကုလားကို အသိအမှတ်ပြုရန် ကုလသမဂ္ဂထဲတွင် ကုလားနိုင်ငံပေါင်း (၅၀) ကျော်ဟိသည်။ လက်နက်ကိုင်တခုတည်းကိုအားကိုးပြီး နိုင်ငံရေး၊ ပညာရေးကို မထိုးဖောက် မတည်ဆောက်လျှင် ရခိုင်သားများ မကြာခင် အကြီးအကျယ် ငါးပါးမှောက်မည်မှာ အသေအချာဖြစ်သည်။